5月2日地產速報 (第一羊屁股篇)

奇哉！大地主街霸地產王大小姐東南西北大風吹突然來電。

「咩小姐，近排放咗一輪假，依家點呀？」
「咪又係咁開工，唔使晚晚捱夜就一定靚翻晒........仲正到有得追"火舞黄沙"。嘩！有乜事哩？」
「冇......我富榮呢度咁啱有個大舖拆細咗，實用面積最細果個450尺，你好好用喇，又平。兩萬八之嘛.......D客好掛住你.........(後删八九幾千字)......有興趣去看看嗎？」
「咪玩喇，邊睇得我起俾咁多租呀！」
「你D客仔近嘛，呢度連最邊邊間大舖都賣出埋，小業主D又租晒，啱啱拆細咗先有，果業主同我地都話 first priority 想你考慮下，特 平。」

原來我才是天下第一.........笨實！

原來我有個大金山食唔崩（可能佢知我正職係印美金）

唐氏柏金遜超級綜合健忘症候群 （眼見細舖最短命做過半日都有一路摺完又開，屋苑大但人流根本唔夠，俾極心機捱租都死得能全身而退我一路仲偷笑緊！）

97年入伙至今一直空置（可能佢知我真係盲嘅~平日戴假眼死撑睇見嘢）

富X花園 地舖原來在千禧年前竟是地產行內「傳頌」一時的「死地」- 即是做乜死乜。

連我自己金漆招牌人格保証大部份店舖一直是「敢死公雞部隊」：一雞死一 雞鳴兼長走長有水魚。如果我一早去理我PARTNER又問多d人，就唔使白做6年，正白痴。

除了好些住客品格高尚外確一無是處，有真的可取嗎？「魚米家」第一間店雖開在此邨，奧海城發了跡後卻對此邨隻字不提。

租舖小本經營者，租金超貴、人流比例不符；最差的是僧多粥少眼紅會同你玩害人不利己的賤招去死過...........若看官有緣耐心得閱我呢篇「肺」話，一定有所得著。

小店因果奇遇 之一

幾天前忽傳來喜訊，新舖址有了「著落」，這幾個月由充滿希望到時常失望，更一度以為食緣斷了........又驚又喜。

自己的六個「不想」

• 一不想頂手用人家用過的食店
• 二不想像以前面積這麼小
• 三不想租約過短
• 四不想太旺或太靜又要區內易認
• 五當然不想租金太貴
• 六更不想碰上硬淨又扭擰的不明事理的業主

問題：真的這麼容易找嗎？

結果：原來皇天不負有心人。

這區開始重建，舊走新來四出尋舖又戰況激烈..........終找到全區超理想地段，以上六大問題竟一下子得到解決而我卻得到「行家」們最期待的「大獎」：冇間自己覺得各方面均好的舖，做甚麼也不成（我更不能像以前的去「夾硬」強闖，雖險勝但付出了沉重代價）。

最頂癮的原來是之前害過我衰神現竟全變了我的大恩人，沒有他們的「恩惠」決不會成就今天好的機遇：生意怎也有風險，決不會十拿九穩，但起碼踏出了好的一步！

我才知老天爺一切也是公道的，這是我之前付出的辛酸努力、受盡人家的白眼和誣辱等去「對等交換」回來的。

始終努力、用心是不變良方呢。