作感冒要死撐的小偏方

Touchwood!
打咗個乞嗤跟住鼻濕濕又有些小頭痛，近磅似作感冒了！

呢條小偏方係以前我的鄰居 ～ （教師奶做魯肉果位）台灣太太教曉的，因不用藥，可公諸參考。

一覺唔對路，嗱嗱臨先飲 2-3杯溫開水或室溫開水（不是冰水），再過五分鐘沖一杯咖啡（乜咖啡都得罐裝咖啡亦可），熱和室溫均可。
大約半小時之後便會小解，大力少少去盡佢........ 完事之後您便會發覺之前所有想發作的小問題跟著一陣子便會消退。

呢條小偏方，唔知有冇人知和試過；但對師奶一家則好靈。

其實果位台灣太太也解釋過原因：一有小毛病大多數令您不精神，那當然自己的免疫功能提不起勁。咖啡利尿再加上先喝上的開水，這會侵入繁殖的病毒再從體內排出了一大部分；咖啡又提了神、抵抗系統又好了些、病毒比例又少了........ 這樣便見功了。

不過，有時此只是緩兵之計去助您先解決眼前要「撐」的問題。
最好1-2小時後啪個C餅跟進，瞓醒再唔掂就要見大夫喇。